ಮ್ಯುಚ್ಯುವಲ್ ಫಂಡ್

ಮ್ಯುಚ್ಯುವಲ್ ಫಂಡ್ ಗಳಿಂದ ಲಾಭಗಳಿಕೆ

ಸರಳ ಹಾಗೂ ಅರ್ಥವಾಗಲು ಸುಲಭವಾದ ಮಾರ್ಗದರ್ಶಿ

(ಎಸ್ ಬಿ ಐ ಮ್ಯುಚ್ಯುವಲ್ ಫಂಡ್ ತಂದಿರುವ ವಿನಿಯೋಜಕರಿಗಾಗಿ ಒಂದು ಶೈಕ್ಷಣಿಕ ಪ್ರಯಾಸ)

ಎಸ್ ಬಿ ಐ ಮ್ಯುಚ್ಯುವಲ್ ಫಂಡ್ ನ ಆಡಳಿತ, ದೇಶದ ಅತಿ ದೊಡ್ಡ ಬ್ಯಾಂಕ್ ಆಗಿರುವ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಮತ್ತು ಜಗತ್ತಿನ ಅಗ್ರಣಿ ಫಂಡ್ ಮ್ಯಾನೇಜ್ಮೆಂಟ್ ಕಂಪನಿಗಳಲ್ಲಿ ಒಂದಾಗಿರುವ ಸೊಸೈಟಿ ಜನರಲ್ ಅಸೆಟ್ ಮ್ಯಾನೇಜ್ಮೆಂಟ್ ಕಂಪನಿ (ಫ್ರಾನ್ಸ್) ಇವರ ಜಂಟಿ ಉಧ್ಯಮವಾಗಿದೆ. ಫಂಡ್ ಮ್ಯಾನೇಜ್ಮೆಂಟ್ನಲ್ಲಿ ಸುಮಾರು 20 ವರ್ಷಗಳಿಗೂ ಮೀರಿದ ಅಪಾರ ಅನುಭವದೊಂದಿಗೆ ಎಸ್ ಬಿ ಐ ಫಂಡ್ಸ್ ಮ್ಯಾನೇಜ್ಮೆಂಟ್ ಪ್ರೈ. ಲಿ. 46 ಲಕ್ಷಕ್ಕೂ ಮೀರಿ ವಿನಿಯೋಜಕರನ್ನು ನಿರ್ವಹಿಸುತ್ತಿರುವ ಭಾರತದ ಅತಿ ದೊಡ್ಡ ಇನ್ವೆಸ್ಟ್ಮೆಂಟ್ ಮ್ಯಾನೇಜ್ಮೆಂಟ್ ಕಂಪನಿಗಳಲ್ಲಿ ಒಂದಾಗಿದೆ. ದೇಶಾದ್ಯಂತ ಹರಡಿರುವ ನಮ್ಮ 130 ಕ್ಕೂ ಹೆಚ್ಚು ಸ್ವೀಕಾರ ಸ್ಥಳಗಳೊಂದಿಗೆ ನಮ್ಮ ವಿನಿಯೋಜಕರ ವಿಶಾಲ ಪರಿವಾರ ಶರವೇಗದಿಂದ ವಿಸ್ತರಿಸುತ್ತಲಿದೆ.

ಎಸ್ ಬಿ ಐ ಮ್ಯುಚ್ಯುವಲ್ ಫಂಡ್ ಪ್ರತಿಷ್ಟಿತ CNBC TV 18 ಕ್ರೈಸಿಲ್ ಮ್ಯುಚ್ಯುವಲ್ ಫಂಡ್ ಆಫ್ ದ ಇಯರ್ ಅವಾರ್ಡ್ 2007 ಗಳಿಸಿದೆ ಮಾತ್ರವಲ್ಲ ಸಂಗದ ಸ್ಕೀಮ್ಗಳ ಕಾರ್ಯದಕ್ಷತೆಗಾಗಿಯೂ ಐದು ಅವಾರ್ಡಗಳನ್ನು ಗಳಿಸಿದೆ. ಎಸ್ ಬಿ ಐ ಮ್ಯುಚ್ಯುವಲ್ ಫಂಡ್, CNBC ಅವಾಜ್ ಕನ್ಸೂಮರ್ ಅವಾರ್ಡ್ಸ್ 2006 ಮತ್ತು 2007 ರಲ್ಲಿ ಮೋಸ್ಟ್ ಪ್ರಿಫರ್ಡ್ ಬ್ರಾಂಡ್ ಆಫ್ ಮ್ಯುಚ್ಯುವಲ್ ಫಂಡ್ ಉಪಾದಿಯನ್ನೂ ಗೆದ್ದಿದೆ.

ಎಲ್ಲಕ್ಕೂ ಮಿಗಿಲಾಗಿ, 46 ಲಕ್ಷ ವಿನಿಯೋಜಕರ ವಿಶ್ವಾಸವೇ ದೈನಂದಿನ ಅವಿಷ್ಕಾರಿ ಹಾಗೂ ಸ್ಥಿರವಾದ ವಿನಿಯೋಜನಾ ಸೇವೆಗಳನ್ನು ಒದಗಿಸುತ್ತಿರಲು ನಮ್ಮನ್ನು ಪ್ರೇರೇಪಿಸುತ್ತಿದೆ. ಈ ನಿಮ್ಮ ವಿಶ್ವಾಸವೇ ನಿಮ್ಮಂಥ ವಿನಿಯೋಜಕರು ತಮ್ಮ ಆರ್ಥಿಕ ಲಕ್ಷ್ಯಗಳನ್ನು ಸಾಧಿಸಲು ಸಹಾಯ ಮಾಡಬಲ್ಲ ಉತ್ಪನ್ನಗಳ ವಿಕಾಸಗೊಳಿಸಲು ಮತ್ತು ನಿಮಗೆ ಒದಗಿಸಲು ನಮ್ಮ ವಿನಿಯೋಜನಾ ತಜ್ಞರ ಟೀಮನ್ನು ಹುರಿದುಂಬಿಸುತ್ತಿದೆ.

(ಮುಂದುವರೆಯುತ್ತದೆ)

ಹೊಸ ವರುಷಕೆ ಹೊಸತಾಗಿ

· ಹೊಸ ವರುಷವು ಶುಭ್ರವಾದ ಪುಟಗಳಿರುವ ಖಾಲಿ ಪುಸ್ತಕದಂತೆ. ವರ್ಷದ ಕೊನೆಯಲ್ಲಿ ಹಿಂತಿರುಗಿ ನೋಡಿದಾಗ ವಿಷಾದವಿಲ್ಲದೇ ಹರುಷವ ನೀಡುವ ರೀತಿಯಲ್ಲಿ ಅದರ ಪ್ರತಿ ಪುಟಗಳನ್ನೂ ತುಂಬಿಸೋಣ.

· ಹೊಸ ಆರಂಭ ಹೊಸ ವರ್ಷದಲ್ಲಿ ಮಾತ್ರವಲ್ಲ, ಪ್ರತಿ ಮುಂಜಾವಿನಲ್ಲೂ ಆಗುತ್ತದೆ. ಹೊಸತಾದ ಮತ್ತು ಸರಿಯಾದ ರೀತಿಯಲ್ಲಿ ಪ್ರಾರಂಭಿಸಲು ಅವಕಾಶವೀಯುತ್ತದೆ.

· ಹೊಸ ವರ್ಷದಲ್ಲಿ ಹಿಂದಿನದನ್ನು ಅರ್ಥವಂತಿಕೆಯಿಂದ, ಮುಂದಿನದನ್ನು ವಿಶ್ವಾಸದಿಂದ ಹಾಗೂ ಸುತ್ತಲೂ ಪ್ರೀತಿಯಿಂದ ನೋಡೋಣ.

· ನಾವು ನಮ್ಮ ಜೀವನವನ್ನು ಪ್ರತಿ ವರುಷ, ಪ್ರತಿ ದಿನ, ಪ್ರತಿ ಕ್ಷಣ ರುಪಿಸಿಕೊಳ್ಳುತ್ತೇವೆ. ನಮ್ಮ ಜೀವನ ಯಾವ ರೂಪ ಪಡೆಯುತ್ತದೆ ಎಂದು ತಿಳಿಯಲು ಹೊಸ ವರುಷ ಸರಿಯಾದ ಸಮಯ.

· ನಮ್ಮ ಜೀವನವನ್ನೊಮ್ಮೆ ಪುನರಾವಲೋಕಿಸಿದಾಗ ನಿಸ್ವಾರ್ಥ ಪ್ರೇಮದಿಂದ ಮಾಡಿದ ಕೆಲಸಗಳೇ ನಮಗೆ ಸಾರ್ಥಕ ಭಾವನೆ ನೀಡುವುದೆಂದು ತಿಳಿಯುತ್ತದೆ.

· ನಾವು ಕಳೆದುಹೋದ ಕಾಲಕ್ಕೇ ಜೋತುಬಿದ್ದಿರಬೇಕೆಂದಿಲ್ಲ. ಅದು ಕಳೆದ ವರುಷವಿರಲೀ ಅಥವಾ ನೆನ್ನೆಯಷ್ಟೇ ಆಗಿರಲಿ. ಈ ದಿನ ಹೊಚ್ಚ ಹೊಸತು, ಒಂದು ಹೊಸ ಅವಕಾಶ. ಹೊಸ ವ್ಯಕ್ತಿತ್ವವನ್ನು ರೂಪಿಸಿಕೊಳ್ಳಲು ಸರಿಯಾದ ಸಮಯ.

· ನಮ್ಮನ್ನು ಬದಲಿಸಿಕೊಳ್ಳಲು ನಮ್ಮಿಂದ ಸಾಧ್ಯವಿಲ್ಲವೆಂದಾದಲ್ಲಿ, ನಮ್ಮಲ್ಲಿರುವ ದೈವತ್ವಕ್ಕೆ ಖಂಡಿತಾ ಸಾಧ್ಯವಿದೆ. ಆ ದೈವತ್ವವನ್ನು ಜಾಗೃತಗೊಳಿಸೋಣ.

· ಹೊಸ ವರುಷ ಭವಿಷ್ಯದತ್ತ ನೋಡುವ ಸಮಯವಷ್ಟೇ ಅಲ್ಲ, ಭವಿಷ್ಯವೇ ಇಲ್ಲಿದೆ ಎಂದು ತಿಳಿಯುವ ಸಮಯ.

· ಹೊಸ ವರುಷ ನಮಗೇನು ತರುವುದೆನ್ನುವುದು ಹೊಸ ವರುಷಕ್ಕೆ ನಾವೇನು ತರುತ್ತೇವೆನ್ನುವುದನ್ನು ಅವಲಂಬಿಸಿರುತ್ತದೆ.

· ಹಳೆಯದನ್ನು ಕೈ ಬಿಟ್ಟು ಭವಿಷ್ಯದ ದಾರಿಯಲ್ಲಿ ದೃಡತೆ ಮತ್ತು ವಿಶ್ವಾಸದಿಂದ ಹೆಜ್ಜೆ ಹಾಕೋಣ.

- ಸಂಗ್ರಹಾನುವಾದ

ಎಲ್ಲರಿಗೂ ಯುಗಾದಿಯ ಶುಭಾಶಯಗಳು